لاہور(نامہ نگار)پیپلز پارٹی کے رہنما حسن اشرف بھٹی نے کہا ہے کہ نومبر کا مہینہ عوام کی سب سے بڑی اور مقبول جماعت پیپلز پارٹی کی پیدائش کا مہینہ ہے۔اس مہینے کے آخری دنوں 30 نومبر کو ہمارے بانی چیئرمین ذوالفقار علی بھٹو نے گلبرگ میں ڈاکٹر مبشر حسن کے گھر اس پارٹی کی بنیاد رکھی تھی۔یہ جماعت دیکھتے ہی دیکھتے آسمانوں کی بلندیوں کو پہنچ گئی اور اسی عوامی جماعت کے پارٹی ٹکٹ کی وجہ سے ایک ریڑھی بان،کسان اور وہ لوگ جو کبھی اسمبلی کے گیٹ کے سامنے سے بھی نہیں گذرے تھے وہ ایم پی اے،ایم این اے اور سینٹر بن کر اپنے حلقوں کی آواز حکام بالا تک پہنچاتے رہے،جو اصل تبدیلی کی بنیاد بنے تھے۔