لاہور (نامہ نگار) صوبائی دارالحکومت کے مختلف علاقوں میں ڈاکوؤں اور چوروں نے وارداتوں میں متعدد شہریوں سے لاکھوں روپے، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ ڈاکوؤں نے اچھرہ میں ارسلان کے گھر میں گھس کر اہلخانہ کو یرغمال بنا کر ساڑھے 5 لاکھ روپے مالیت کی نقدی، طلائی زیورات، موبائل فون و دیگر سامان، مغلپورہ میں رب نواز اور اس کی فیملی سے 3 لاکھ روپے مالیت کی نقدی، زیورات اور موبائل فون، جنوبی چھاؤنی میں عبداللہ سے 2 لاکھ 60 ہزار روپے اور موبائل فون، شفیق آباد میں اشرف سے ایک لاکھ روپے اور موبائل فون، گلشن راوی میں فہیم سے 85ہزار روپے اور موبائل فون، چوہنگ میں شعبان سے 67 ہزار روپے اور موبائل فون، اسلام پورہ سدھیر سے 31 ہزار روپے اور موبائل فون، ریس کورس میں فخر سے 20 ہزار روپے اور موبائل فون، گڑھی شاہو میں صادق سے 15ہزار روپے اور موبائل فون لوٹ لیا۔ چوروں نے قائد اعظم انڈسٹریل سٹیٹ میں خالد کے گھر کے تالے توڑ کر 4لاکھ 70 ہزار روپے‘ زیورات اور دیگر سامان چوری کر لیا۔ چوروں نے ڈیفنس، جوہر ٹاؤن اور ماڈل ٹاؤن کے علاقوں سے3 گاڑیاں، ساندہ میں رکشہ جبکہ لٹن روڈ، قلعہ گجر سنگھ، بادامی باغ، سندر، کوٹ لکھپت، مناواں،کاہنہ اور باٹا پور کے علاقوں سے 8 موٹر سائیکلیں چوری کر لیں۔