ٹیوٹا گاڑی کلر سیداں میں حادثہ  کا شکار،متعدد طلبا زخمی ہو گئے 

کلرسیداں(نامہ نگار)کوٹلی آزاد کشمیر کے بچوں کو سیر تفریح کے لیئے اسلام آباد ٹرپ پر لے جانے والی ٹیوٹا گاڑی کلر سیداں کے حادثہ کا شکار ہو گئی اسلام آباد جاتی ٹویوٹا گاڑی کو شاہ باغ کے قریب یوٹرن لیتے ٹویوٹا گاڑی نے ٹکر مار دی جس کے نتیجے میں سکول کے بچوں سمیت محمد اسماعیل،محمد عباس،محمد حاشر،محیظ علی،عرفان شمس،محمد الیاس اور عبدالرحمان  زخمی ہو گئے ہیں۔حادثے کی اطلاع ملتے ہی ریسکیو 1122کی ایمبولنس گاڑی موقع پر پہنچ گئی اور زخمیوں کو ٹی ایچ کیو ہسپتال کلر سیداں پہنچا دیا گیاجہاں سے ڈرائیور محمد الیاس کی حالت تشویشناک ہونے کے باعث اسے راولپنڈی منتقل کر دیا گیا جبکہ دیگر زخمیوں کو ابتدائی طبی امداد فراہم کرنے کے بعد ہسپتال سے ڈسچارج کر دیا گیا ہے۔حادثہ ٹیوٹا ہائی ایس کے غلط یوٹرن لینے پر پیش آیا۔