اسلام آباد پولیس کی شاندار کارروائی، بری امام ڈکیتی کیس کے تین اہم ملزمان گرفتار 

اسلام آباد( اپنے سٹا ف رپو رٹر سے ) اسلام آباد پولیس کو آئی جی اسلام آباد اور ڈی آئی جی آپریشنز کی قیادت میں ایک اور بڑی کامیابی ملی ہے۔ بری امام میں ہونے والی ڈکیتی کے چار ملزمان میں سے تین کو بہارہ کہو کے علاقے سے گرفتار کرلیا گیا ہے۔ کارروائی میں اسلحہ اور دو موٹر سائیکلیں بھی برآمد کر لی گئیں۔اس کامیاب کارروائی میں اے ایس آئی رانامتیاز کا کردار نمایاں رہا۔ اے ایس آئی رانا امتیاز، جو بری امام کے علاقے میں چوکی انچارج تھے اور بعد میں ان کا تبادلہ سبزی منڈی میں کر دیا گیا تھا، نے اس کیس کی تفتیش میں خصوصی دلچسپی لی۔رانا امتیاز نے انڈر کورہو کر ملزمان کو ٹریس کیا اور مقامی پولیس کے تعاون سے انہیں گرفتار کرایا۔ اس پوری کارروائی میں ان کی محنت اور مہارت نے پولیس کو اہم کامیابی دلائی۔