راولپنڈی (اپنے سٹاف رپورٹر سے )اے این ایف نے تعلیمی اداروں اور ملک کے مختلف شہروں میں منشیات سمگلنگ کے خلاف کاروائیوں کا سلسلہ جاری رکھا چار کاروائیوں میں 3 ملزمان گرفتار۔کا روائیوں میں 1 کروڑ سے زائد مالیت کی 40.74 کلو گرام منشیات برآمد، تعلیمی اداروں میں کارروائیاں کرتے ہوئے اسلام آباد میں پارک روڈ پر یونیورسٹی کے قریب ملزم سے 1.2 کلو چرس برآمد، ملتان میں یونیورسٹی کے قریب ملزم سے 676 عدد نشہ آور گولیاں برآمد کرلیں گرفتار ملزم کا تعلیمی اداروں کے طلبا کو منشیات فروخت کرنے کا اعتراف۔ ترجمان کے مطابق اے این ایف کی دیگر کاروائیوں کے دوران کراچی ایئرپورٹ پر کارگو آفس سے  آسٹریلیا بھیجے جانے والے پارسل سے مردانہ بنیان میں جذب شدہ  34.390 کلو آئس برآمد کرلی ترجمان اے این ایف کے مطابق ڈسکہ بازار گوجرانوالہ روڈ کے قریب ملزم سے 4.8 کلو چرس برآمد کر لی گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔