راولپنڈی(جنرل رپورٹر)گورنمنٹ گرلز ہائی اسکول ایف بلاک سیٹلائٹ ٹان میں یوم اقبال کے موقع پر تقریب کا انعقاد کیا گیا، مہمان خصوصی رکن قومی اسمبلی محترمہ طاہرہ اورنگزیب تھیں،امان اللہ خان سی ای او راولپنڈی،شرافت علی بسرا ڈی ای او راولپنڈی، ڈاکٹر بدر،سی ای او سٹی لیب، شیخ طارق حسین سابقہ ہیڈماسٹر ضیا العلوم ہائی سکول اور اسکول کونسل کے اراکین نے شرکت کی،طالبات نے علامہ اقبال کے پیغام اور ان کی تعلیمات کو خراجِ تحسین پیش کرنے کے لیے مختلف خاکے، تقاریر اور نظمیں پیش کیں۔ اقبال کے پیغامِ خودی اور نوجوانوں کے لیے ان کی رہنمائی پر روشنی ڈالی گئی۔محترمہ طاہرہ اورنگزیب نے کہا کہ اقبال نے ہمیشہ ہمیں خودی، بلند نظر اور پر عزم ہونے کا درس دیا، جو آج کے نوجوانوں کے لیے نہایت ضروری ہے۔ انہوں نے کہا کہ ہمیں اقبال کی تعلیمات کو عملی زندگی میں اپنانا چاہیے اور اپنی قوم کی ترقی میں کردار ادا کرنا چاہیے۔تقریب میں بہترین تعلیمی نتائج دینے والے اساتذہ کی خدمات کو سراہا گیا، اور انہیں شیلڈز اور اسناد دی گئیں۔