دنیا کے آلودہ ترین شہروں کی فہرست میں لاہور پہلے اور ملتان دوسرے نمبر پر آگیا۔رات گئے سے شدید دھند اور اسموگ کی وجہ سے موٹروے کئی مقامات پر بندکر دی گئی ۔ادھرگوجرہ میں اسموگ کے باعث ٹریکٹر ٹرالی کی موٹرسائیکل کو ٹکر سے ماں اور دو بچوں سمیت 3 افراد جاں بحق بھی ہوگئے۔ دوسری جانب پنجاب کی سینئر وزیر مریم اورنگزیب نے کہا ہے کہ یہ مسئلہ اب ایک شہر یا صوبے کا نہیں بلکہ پورے پاکستان اور خطے کا انسانی مسئلہ بن چکا ہے، شہری احتیاط کریں۔واضح رہے کہ متحدہ عرب امارات نے پاکستان کو اسموگ کے اثرات کو کم کرنے کے لیے تکنیکی مدد دینے کی پیشکش کی ہے۔اس سے قبل بھی متحدہ عرب امارات نے خصوصی طیارے بھجوائے تھے جو کہ کلاو?ڈ سیڈینگ کرتے ہیں اور اس سے پنجاب کے کچھ علاقوں میں مصنوعی بارش کرائی گئی تھی۔