لاہور (خبر نگار) سابق صدر آصف زرداری  کے ’’خصوصی مہمان‘‘  بلاول ہائوس پہنچ گئے۔ یہ مہمان اعلی نسل کے 20گھوڑے تھے۔آصف زرداری اپنا گھوڑوں کا شوق لاہور آکر  بلاول ہائوس کی سخت مصروفیت میں بھی نہ بھلا سکے۔ انہوں نے  اپنے 20 اعلیٰ نسل کے گھوڑوں کو بلاول ہائوس منگوایا ان سے دیر تک پیار کرتے رہے تاہم  انہوں نے یہ گھوڑے کچھ دیر بعد واپس بھجوا دئیے۔ ذرائع کے مطابق اپنی  صدرارتی مدت پوری ہونے پر آصف زرداری نے اپنے 80 کے قریب پالتو گھوڑے لاہور کی ایک سوسائٹی کے رائیڈنگ کلب کو  بھجوادئیے تھے جن میں سے 20 بہترین گھوڑوں کو بلاول ہاؤس لایا گیا۔کچھ وقت بلاول ہاؤس میں گزارنے کے بعد گھوڑوں کو واپس رائیڈنگ کلب بھیج دیا گیا ۔
گھوڑے