سلطان آف جوہر ہاکی ٹورنامنٹ، قومی جونیئر ٹیم ملائیشیا چلی گئی

لاہور (نمائندہ سپورٹس+ سپورٹس رپورٹر) سلطان آف جوہر ہاکی ٹورنامنٹ میں شرکت کیلئے قومی جونیئر ہاکی ٹیم اچھی کارکردگی دکھانے کا عزم لیے ملائیشیا روانہ ہوگئی ۔ ملائیشیا روانگی سے قبل جوہر ٹائون ہاکی گرائونڈ میں تمام کھلاڑی جمع ہوئے اور ٹریننگ کی۔ پاکستان ہاکی فیڈریشن کے صدر اختر رسول چودھری کا کہنا ہے کہ دوہزار سولہ کے جونیئر ہاکی ورلڈ کپ کو مد نظر رکھتے ہوئے کھلاڑیوں کا انتخاب کیا گیا ہے تاکہ ورلڈ کپ تک بہترین ٹیم بنائی جاسکے۔ وزیر اعظم سے ملاقات کرنے جارہا ہوں اور امید ہے ہاکی ٹیم کی شاندار کارکردگی کو مد نظر رکھتے ہوئے جلد فنڈز کا اجراء ہونے سے مالی مشکلات ختم ہوجائینگی۔