رگبی ورلڈکپ میں آج مزید تین میچ کھیلے جائینگے

لندن (اے پی پی) رگبی ورلڈکپ 2015 میں آج ہفتہ کو مزید تین میچ کھیلے جائینگے۔ آٹھویں رگبی ورلڈکپ کے سنسنی خیز مقابلے انگلینڈ میں جاری ہیں۔ میگا ایونٹ میں (آج) ہفتہ کو کھیلے جانے والا پہلا میچ پول بی کی ٹیموں سیموا اور سکاٹ لینڈ کے درمیان کھیلا جائیگا، دوسرا میچ پول اے کی ٹیموں آسٹریلیا اور ویلز کے درمیان کھیلا جائیگا جبکہ تیسرا میچ بھی پول اے کی ٹیموں انگلینڈ اور یوروگوئے کے درمیان کھیلا جائیگا۔ میگا ایونٹ کا کوارٹر فائنل مرحلہ 17 اکتوبر کو شروع ہوگا، پہلے دو کوارٹر فائنل 17 اکتوبر کو کھیلے جائینگے جبکہ تیسرا اور چوتھا کوارٹر فائنلز 18 اکتوبر کو کھیلے جائینگے، پہلا سیمی فائنل 24 اکتوبر کو اور دوسرا سیمی فائنل 25 اکتوبر کو کھیلا جائیگا، میگا ایونٹ میں تیسری پوزیشن کے لئے میچ 30 اکتوبر کو کھیلا جائیگا اور فائنل 31 اکتوبر کو کھیلا جائیگا۔