لاس اینجلس (اے پی پی) ہالی وڈ کی آسکر ایوارڈ یافتہ اداکارہ میرل سٹریپ کی نئی فلم”سفراگیٹ“12 اکتوبر کو برطانیہ اور23 اکتوبر کو امریکہ میں ریلیزکی جائے گی۔ فلم”سفراگیٹ“ کا پریمیئر لندن میں جاری لندن فلم فیسٹیول میں کیا گیا جہاں فلم کو زبردست پذیرائی حاصل ہوئی۔ فلم20 ویں صدی کے ابتدائی دور1912 ءکے پس منظر میں بنائی گئی جب برطانیہ میں خواتین کی طویل اور سخت جدوجہد کے بعد ان کو ووٹ ڈالنے کا حق حاصل ہواتھا۔
یاد رہے کہ 1900 کی پہلی دہائی تک برطانیہ میں خواتین کو ووٹ ڈالنے کا حق نہ ہونے کے ساتھ ساتھ جائیداد میں حصہ لینے اور شادی کے بعد شوہر کی مرضی کے بغیر نام تبدیل کرنے کا حق بھی حاصل نہیں تھا۔ جدیدجمہوریاﺅں فن لینڈمیں خواتین کو1906ئ، فرانس میں1944ئ، اور سوئٹزرلینڈ میں1971ءمیں ووٹ ڈالنے کا حق حاصل ہوا تھا جس کے بارے فلم کے آخر میں بتایا گیا۔
