ہوگو شاویز ایوارڈ برائے امن روسی صدر کو دینے کا اعلان

کراکس (اے پی پی) ونزویلا کے صدر نے آنجہانی صدر ہوگو شاویز کے نام پر امن کا عالمی انعام دینے کا اعلان کیا ہے۔کراکس سے ہمارے نمائندے کے مطابق صدرنیکولس میدورو نے آنجہانی صدر ہوگو شاویز کے مجسمے کی رونمائی کے موقع پر، ہوگو شاویز ایوارڈ برائے امن اور عوامی یکجہتی دینے کا اعلان کیا ہے۔انہوں نے اس موقع پر ایک خطاب میں کہا کہ یہ انعام ہر سال ، قومی اور عالمی شخصیات کو امن کے لیے انجام دی جانے والی کوششوں کے تناظر میں دیا جائے گا۔