لاہور(سپورٹس رپورٹر) آئی ایچ ایف ساوتھ اینڈ سنٹرل ایشیا ہینڈ بال ٹرافی ٹورنامنٹ میں پاکستان مینز ٹیم نے پہلے میچ میں مالدیپ کو شکست دیدی جبکہ ویمن ٹیم بھارت کے ہاتھوں شکست کھا گئی۔ ڈھاکہ سے موصولہ اطلاعات کے مطابق 9 سے 13 اکتوبر تک ڈھاکہ میں منعقد ہونے والے اس ایونٹ میں پاکستان کی انڈر 21 مینز ٹیم نے پہلے میچ میں مالدیپ کے خلاف 37-10 سے کامیابی اپنے نام کی۔ مینز ٹیم اپنا دوسرا میچ آج نیپال کے خلاف کھیلے گی۔ ویمنز انڈر 20 میں پاکستان ویمن ٹیم کو بھارت کے ہاتھوں 41-16 سے مات کا سامنا کرنا پڑا۔ ویمن ٹیم آج دوسرے میچ میں مالدیپ کے مدمقابل ہوگی۔