لاہور(سپورٹس رپورٹر) ویسٹ انڈیز کی ٹیم پاکستان کرکٹ بورڈ پیٹرنز الیون کے خلاف تین روزہ ڈے اینڈ نائٹ پریکٹس میچ کے دوسرے دن 296رنز بناکر آئوٹ ہوگئی‘پی سی بی پیٹرنز الیون نے دوسری اننگز میں تین وکٹوں پر 26رنز بناکر مجموعی طور پر37رنز کی برتری حاصل کی تھی‘میچ ڈرا ہوگیا۔ کریگ براتھویٹ 55‘جانسن گیارہ ‘براوو 91‘ہوپ 76‘بلیک ووڈ تیرہ ‘چیز صفر‘ڈائورچ 33‘جیسن ہولڈر صفر‘بیشو ایک ‘جوزف چھ رنز بناکر آئوٹ ہوئے ۔ کمنز بغیر کھاتہ کھولے ناٹ آئوٹ رہے ۔ شاہ زیب احمد نے پانچ‘جنید خان نے دو ‘فواد عالم ‘احمد جمال اور شان مسعود نے ایک ایک کھلاڑی کو آئوٹ کیا۔پی سی بی پیٹرنز الیون نے دوسری اننگز کا آغاز اچھا نہ تھا محمد حفیظ دوسری اننگز میں ناکام رہے اور صرف نو رنز پر چلتے بنے ۔ شان مسعود نو اور احمد شہزاد چار رنز پرپویلین لوٹ گئے ۔ پی سی بی پیٹرنز الیون نے مجموعی طور پر 37رنز کی برتری حاصل کر لی ہے جبکہ سات وکٹیں باقی ہیں۔براتھویٹ نے دو جبکہ جیسن ہولڈر نے ایک کھلاڑی کو آئوٹ کیا۔پاکستان کرکٹ بورڈ پیٹرنز الیون پہلی اننگز میں308رنز بناکر آئوٹ ہوگئی تھی ۔