لاہور (پ ر) کوتھم پاکستان اینڈ دبئی کے 16ویں کانووکیشن کی تقریب 6اکتوبر ، بروز جمعہ رائل پالم گالف اینڈ کنٹری کلب، لاہور میں کی گئی۔ ہاسپیٹلٹی، کلنری آرٹس، بیکنگ اینڈ پیسٹری اور ٹریول اینڈ ٹورازم مینجمنٹ کے 150طلبہ میں ایوارڈ تقسیم کرنے کے ساتھ ساتھ 60طلبہ کو ان کی شاندار کارکردگی پر میڈلز اور اعزازی اسناد سے نوازا گیا۔ سی ای او کوتھم پاکستان اینڈ دبئی، احمد شفیق نے اس موقع پر خطاب کرتے ادارے کی مسلسل کامیابیوں کو سراہا اور ڈگری حاصل کرنے والے طلبا کو مبارکباد کے ساتھ ساتھ ہاسپٹیلٹی، ٹورازم اور ٹریول سیکٹر میں اپنے جوہر دکھانے کی ترغیب بھی دی۔ کانووکیشن کے مہمانِ خصوصی محمد بلیغ الرحمٰن نے کہا کے کوتھم صرف ایک تعلیمی ادارہ نہیں بلکہ ایک وژن ہے۔ انہوں نے طلبہ کو معاشی ترقی کی جانب گامزن کرنے پر کوتھم کی خدمات کو سراہا۔ اس موقع پر مجیب الرحمٰن شامی بھی موجود تھے۔