مقررہ اہداف حاصل کرنے پر میٹر ریڈز کو 5 ہزار سپیشل الاؤنس دینے کے احکامات

ملتان (نیوزرپورٹر)چیف ایگزیکٹو آفیسر میپکو انجینئر محسن رضا خان نے ریجن بھرکے میٹرریڈرز کو ریڈنگ کے ماہانہ مقررہ اہداف حاصل کرنے پر 5ہزار روپے سپیشل الائونس دینے کے احکامات جاری کردئیے ہیں ۔ہینڈ ہینڈلنگ یونٹ (HHU) اورموبائل فونز کے ذریعے میٹرریڈنگ کرنے والے میٹرریڈرز کو 95فیصد ریڈنگ ہدف حاصل کرنے پر متعلقہ ایس ڈی او کے سرٹیفیکیٹ کے ساتھ الائونس دیاجائیگا۔آفس آرڈر کے مطابق میپکوریجن کے تمام آپریشن سب ڈویژنوں کے ایس ڈی اوز کو ہدایات دی گئی ہیں کہ میٹرریڈرز کی کارکردگی کی روزانہ کی بنیاد پر چیکنگ کی جائے ۔