لاہور(سپورٹس رپورٹر+نمائندہ سپورٹس) پاکستان ہاکی فیڈریشن نے پانچ سال وقفہ کے بعد ٹرے ہاکی چیمپئن شپ کرانے کا فیصلہ کیا ہے۔ ٹرے چیمپئن شپ 20 سے 31 اکتوبر تک کھیلی جائیگی۔ ٹیموں کے ناموں کا  اعلان کر دیا ہے جن میں سے تین ٹاپ ٹیمیں 66 ویں قومی ہاکی چیمپئن شپ کیلئے کوالیفائی کرینگی۔ ٹرے چیمپئن شپ کیلئے اعلان کردہ ٹیموں میں پاک فضائیہ، ماڑی پیٹرولیم، پاکستان ریلویز، پنجاب، کے پی کے، سندھ، بلوچستان، اسلام آباد، گلگت بلتستان، آزاد جموں کشمیر، پاکستان کسٹمز، پی ٹی وی، پی او ایف، سوئی ناردرن گیس پائپ لائنز، ہائر ایجوکیشن کمیشن، زرعی ترقیاتی بینک لمیٹڈ، فوجی فاؤنڈیشن اور پاکستان سٹیل ملز شامل ہیں۔