جنوبی کوریا کی کثیر المنزلہ عمارت میں خوفناک آتشزدگی،88افرادزخمی 

سیول(این این آئی)جنوبی کوریا میں کثیر المنزلہ عمارت میں خوفناک آگ بھڑک اٹھی جس نے پوری عمارت میں اپنی لپیٹ میں لے لیا۔غیرملکی خبررساں ادارے کے مطابق حکام نے بتایاکہ جنوبی کوریا کے جنوبی مشرقی شہر بوسان کے ضلع ڈول ڈونگ کی 33 منزلہ عمارت میں آگ رات 11 بجکر 7 منٹ پر 12ویں منزل پر قائم اپارٹمنٹ میں لگی جس نے پوری عمارت کو اپنی لپیٹ میں لے لیا۔آگ لگنے کے بعد فائر فائٹرز کی ٹیمیں جائے وقوعہ پر پہنچ گئی اور رہائش پذیر افراد کو عمارت سے باہر نکالنے کے لیے امدادی کارروائیوں کو آغاز کردیا گیا ۔ہوا کے تیز دباو کے باعث آگ کی شدت میں اضافہ ہوگیاجبکہ ہواوں کے باعث آگ نے قریبی شاپنگ سینٹر کو اپنی لپیٹ میں لے لیا۔آگ لگنے کے باعث خوش قسمتی سے کسی جانی نقصان کی اطلاع نہیں ملی، آگ سے متاثرہ 88 افراد کو اسپتال میں طبی امداد کی فراہمی جاری ہے۔