سپورٹس کیلنڈر کالجز کے سلسلے میں مقابلوں کا کل سے آغاز

ملتان (خصوصی رپورٹر)سپورٹس کیلنڈر 2021  کالجزکے سلسلے میں تحصیل رائونڈ کے مقابلوں کا کل 11اکتوبر سوموار سے نواں شہر کرکٹ گرائونڈ پر آغاز ہو رہا ہے جس میں 6کالجز کی ٹیمیں شرکت کریں گی ۔ناک آوٹ بنیاد پر مجموعی طور پر 5میچز کھیلے جائیں گے۔ افتتاحی میچ میزبان گورنمنٹ گریجوایٹ کالج آف سائنس ملتان اور گورنمنٹ ایسوسی ایٹ علمدار حسین اسلامیہ کالج کے درمیان صبح ساڑھے 8بجے شروع ہوگا۔ دوسرے میچ میں گورنمنٹ گریجوایٹ کالج قاسم پور اور گورنمنٹ ایسوسی ایٹ کالج مخدوم رشید کی ٹیمیں دوپہر ساڑھے بارہ بجے مدمقابل ہوں گی۔ایونٹ کے دوسرے روز پہلا میچ گورنمنٹ ایسوسی ایٹ کالج سول لائنز ملتان اور گورنمنٹ گریجوایٹ ولایت حسین اسلامیہ کالج ملتان کے درمیان ہو گا۔دوسرے روز کے دوسرے مقابلہ میں ایونٹ کے میچ ٹو اور تھری کی فاتح ٹیمیں میدان میں اتریں گی۔تحصیل رائونڈ کے تیسرے اور آخری روز فائنل میچ کھیلا جائے گا۔جس میں ایونٹ کے پہلے اور چوتھے میچ کی فاتح ٹیمیں مدمقابل ہوں گی۔