نوشہرہ ورکاں (نمائندہ نوائے وقت) بیوی پر تشدد خاوند اور جیٹھ کے خلاف مقدمہ درج تفصیلات کے مطابق نواحی گاؤں گرمولہ ورکاں کی رہائشی انشاء اکرام کی شادی ڈیڑھ سال قبل اولکھ بھائیکے کے فخر لطیف سے ہوئی تھی اس دوران اس کا خاوند اور سسرال والے اس پر تشدد کرتے اور میکے سے پیسے وغیرہ لانے کا کہتے ان کے ظلم و ستم سے بچنے کے لئے اس نے اپنے خاوند کو میکے سے موٹر سائیکل بھی لا کر دی مگر ان کا ظلم و تشدد جاری رہا گزشتہ روز اس کے خاوند اور جیٹھ قمر لطیف نے اسے تشدد کا نشانہ بنایا اور کمرے میں قید کر دیا جس کی اطلاع اس نے فون پر اپنی والدہ اور بھائی کو دی جنہوں نے پولیس کے ہمراہ جا کر اسے قید سے رہائی دلائی مقامی پولیس نے مقدمہ درج کر کے مزید تفتیش شروع کر دی ہے۔