لاہور(سپورٹس رپورٹر)رپورٹ کے مطابق لاس اینجلس اولمپکس آرگنائزرز نے کرکٹ کو 2028 گیمز میں شامل کرنے کی سفارش کی ہے۔ اس حوالے سے آئی سی سی نے بھی تصدیق کردی ہے۔اس سے قبل 1900 میں پیرس میں ہونے والے اولمپکس میں کرکٹ کھیلی جا چکی ہے۔ جب انگلینڈ اور فرانس نے گولڈ میڈل کیلئے ایک ہی میچ کھیلا تھا۔2028 میں ہونےوالے لاس اینجلس اولمپکس میں مردوں اور خواتین کا ٹی 20 ٹورنامنٹ ہوگا۔ اولمپک گیمز میں کرکٹ کی شمولیت سے ایشیا بالخصوص برصغیر میں ممکنہ طور پر منافع بخش تجارتی مارکیٹ کھل جائے گی۔ بھارت میں اولمپک گیمز کے نشریاتی حقوق انفرادی کھیلوں کیلئے فروخت کیے جاتے ہیں اور پیرس 2024 کیلئے صرف15اعشاریہ 6 ملین پاو¿نڈ کی قیمت لگائی گئی ہے۔