جھل مگسی: نامعلوم افراد کی گھر میں گھس کر فائرنگ‘ خاتون سمیت 2 افراد جاں بحق

جھل مگسی (نوائے وقت رپورٹ) نامعلوم افراد نے گھر میں گھس کر فائرنگ کرکے خاتون سمیت 2 افراد کو قتل کر دیا۔ پولیس کے مطابق جھل مگسی کے علاقے گنداواہ میں نامعلوم افراد نے گھر میں گھس کر فائرنگ کی جس سے خاتون سمیت 2 افراد جاں بحق ہوگئے جبکہ 3 افراد زخمی ہیں۔ نعشوں اور زخمیوں کوڈی ایچ کیوہسپتال منتقل کر دیا گیا ہے۔ پولیس نے جائے وقوعہ سے شواہد اکٹھے کرکے واقعے کی تفتیش شروع کر دی ہے۔