اسلام آباد(خبرنگار)بابو سرٹاپ میں موسم سرما کی پہلی برف باری شروع ، خیبرپختونخوا، گلگت بلتستان اور کشمیر کے بالائی علاقوں میں برفباری سے ان علاقوں میں درجہ حرارت میں نمایاں کمی متوقع ہے پیر کو نیشنل ڈیزاسٹر مینجمنٹ اتھارٹی کی جاری کردہ ایڈوائزری کے مطابق وفاقی دارالحکومت اسلام آباد اور گردونواح کے علاقوں میں تیز ہواﺅں کے ساتھ بارش اور اس کے نتیجے میں کم درجہ حرارت کی توقع ہے۔ خیبرپختونخوا میں چترال، دیر، سوات، ایبٹ آباد، بالا کوٹ، مانسہرہ، کوہستان، مالاکنڈ اور مزید علاقوں میں بارش، تیز ہواﺅں، برفباری اور ژالہ باری کی پیش گوئی کی گئی ہے ۔