عوام کو بلاتفریق انصاف کی فراہمی کو یقینی بنایا جائے،آئی سی سی پی او

اسلامl آباد(اپنے سٹاف رپورٹر سے) کیپیٹل پولیس کے پہلے اپر کورس،11ویںانٹرمیڈیٹ کورس اور 20ویںلوئر کورس کی پاسنگ آﺅٹ کے سلسلے میںپولیس لائنز ہیڈکوارٹرز میں تقریب کا انعقادکیا گیا،تقریب میں اسلام آباد کیپیٹل سٹی پولیس آفیسر ڈاکٹر اکبر ناصر خاں نے بطور مہمان خصوصی شرکت کی،اس موقع پر سی پی او ہیڈ کوارٹرز، ایس ایس پی لائ اینڈ آرڈر/ڈپٹی کمانڈنٹ کیپیٹل پولیس کالج،اے آئی جی جنرل،اے آئی جی آپریشنز،ایس پی ہیڈ کوارٹرز،ڈی ایس پی کیپیٹل پولیس کالج،سول سٹاف اور پاس آﺅٹ ہونے والے افسران و جوان موجود تھے،آئی سی سی پی او ڈاکٹر اکبرناصرخاںنے ٹریننگ کورسز میں نمایاں کارکردگی کا مظاہر ہ کرنے والے افسران و جوانوں میں انعامات اور تعریفی اسناد تقسیم کئے،آئی سی سی پی اونے تقریب سے خطاب کر تے ہوئے کہا کہ آپ تمام افسران و جوانوں نے محکمانہ ترقی کے لئے جاری محکمانہ کورسز کامیابی سے مکمل کر لئے ہیں،انہوں نے کہا کہ میرے لئے یہ بات باعث مسرت ہے کہ میں اسلام آباد کیپیٹل پولیس کی پاسنگ آﺅٹ تقریب میں بطور مہمان خصوصی شریک ہوا ہوں۔