آﺅٹ فال روڈپر ایک ماہ سے گیس کی سپلائی معطل‘ مکین سراپا احتجاج

لاہور (نوائے وقت رپورٹ) آﺅٹ فال روڈ اور ملحقہ علاقوں میں گزشتہ ایک ماہ سے سوئی گیس کی سپلائی معطل ہے۔ علاقہ مکین شدید مشکلات کا شکار، سراپا احتجاج ہیں۔ شہریوں کے بار بار شکایات درج کروانے‘ دفاترکے چکر لگانے پر محکمہ نے نوٹس لیتے ہوئے فالٹ تلاش کرنے کیلئے 15 روز سے علاقے کی متعدد جگہوں پر کھدائی کا کام شروع کر دیا ہے۔سوئی گیس نہ آنے کی وجہ سے علاقے بھر کے شہری مہنگے داموں سلنڈر استعمال کرنے پر مجبور ہیں۔ علاقہ مکینوں کا حکام سے مطالبہ ہے کہ جلد از جلد گیس کی سپلائی بحال کی جائے۔