لاہور(نامہ نگار)پی پی سنٹرل پنجاب کے سیکرٹری اطلاعات شہزاد سعید چیمہ نے کہا ہے کہ ہمارے سابق حکومتی اتحادیوں کو پیپلز پارٹی سینڈروم ہو گیا ہے۔ن لیگ والے پیپلز پارٹی کو چیلنج کرنے کی بجائے نواز شریف کے استقبال پر فوکس کریں۔سابق وفاقی وزیر رانا تنویر کے بیان پر رد عمل ظاہر کرتے ہوئے شہزاد سعید چیمہ نے کہا کہ بلاول بھٹو اور آصف زرداری کوچیلنج کی بات سن کر ہنسی آتی ہے۔میاں صاحب سے تصدیق کر لیں،وہ 21اکتوبر کو بھی آ رہے ہےں یا نہیں۔انہوں نے کہا کہ رانا تنویر صاحب الیکشن بڑھکوں سے نہیں جیتے جاتے۔جائیں عوام میں گرتی ساکھ سنبھالیں۔شاہدرہ اور کاہنہ کے مایوس کن اجتماعات آپکی عوامی مقبولیت کی قلعی کھول رہے ہیں،فروری دور نہیں۔الیکشن میں عوامی مقبولیت کا دعویٰ کرنےوالوں کو پتہ چل جائےگا۔ن لیگ ابھی تک مصنوعی سہارے ڈھونڈ رہی ہے۔پیپلزپارٹی عوامی طاقت سے اقتدار میں آئے گی۔