آئی سی سی ورلڈکپ 2023 کے آٹھویں میچ میں آج پاکستان سری لنکا کے مدمقابل ہوگا۔ میچ حیدرآباد کے راجیو گارندھی کرکٹ اسٹیڈیم میں کھیلا جائے گا۔ پاکستان اور سری لنکا کے درمیان میچ مقامی وقت کے مطابق 1:30 بجے شروع ہوگا۔دونوں ٹیمیں ورلڈکپ کے عالمی مقابلوں میں 7 بار آمنے سامنے آئی ہیں جہاں پاکستان پلڑا بھاری ہے، گرین شرٹس نے 0-7 سے آئی لینڈرز پر برتری قائم کررکھی ہے۔ دوسری جانب ناکامی کی تصویر بنے قومی ٹیم کے اوپنر فخر زمان کو سری لنکا کے خلاف مقابلے میں پلئینگ الیون کا حصہ بنائے جانے کا امکان ہے۔واضح رہے کہ ایونٹ کے پہلے میچ میں قومی ٹیم نے نیدرلینڈز کو شکست سے دوچار کیا تھا جبکہ سری لنکا کو جنوبی افریقہ کے ہاتھوں بڑے مارجن سے ہار کا سامنا کرنا پڑا تھا۔ ورلڈ کپ میں آج ہی کھیلے جارہے دوسرے میچ میں انگلینڈ اور بنگلا دیش کی ٹیمیں دھرمشالہ میں مد مقابل ہوں گی۔