پاکستان انڈر 19 ٹیم منیجمنٹ کا اعلان

پاکستان کرکٹ بورڈ نے سری لنکا کی انڈر19 ٹیم کے خلاف ہونے والی ہوم سیریز کے لیے پاکستان انڈر 19ٹیم کی ٹیم منیجمنٹ کا اعلان کردیا ہے۔ سیریز 15 سے 31 اکتوبر تک کراچی کے نیشنل بینک اسٹیڈیم میں کھیلی جائے گی جس میں ایک چار روزہ میچ اور پانچ ون ڈے میچز شامل ہونگے۔ سری لنکا انڈر19 کے خلاف چار روزہ میچ کے لیے سعد بیگ کی قیادت میں پاکستان انڈر 19 ٹیم کا اعلان پہلے ہی کیا جاچکا ہے۔ ٹیم آج رات کراچی میں ٹیم ہوٹل میں یکجا ہوگی جس کے بعد وہ دو روز کی ٹریننگ اور پریکٹس سیشن میں حصہ لے گی۔ ٹیم ان کھلاڑیوں پر مشتمل ہے۔ سعد بیگ ( کپتان اور وکٹ کیپر) احمد حسین ۔ ایمل خان۔ علی اسفند۔ عامر حسن۔ عرفات منہاس۔ ازان اویس۔ حمزہ نواز۔ حذیفہ ایوب۔ محمد ابتسام۔ محمد اسمعیل۔ محمد زبیر۔ نوید احمد خان۔ شاہ میر علی۔ شاہ زیب خان اور وہاج ریاض۔ سیریز کا شیڈول۔ 15 سے 18 اکتوبر چار روزہ میچ۔ 22 اکتوبر۔ پہلا ون ڈے ۔ 24 اکتوبر۔ دوسرا ون ڈے۔ 27 اکتوبر۔ تیسرا ون ڈے۔ 29 اکتوبر۔ چوتھا ون ڈے ۔ 31 اکتوبر ۔ پانچواں ون ڈے ۔