غزہ جنگ، جوبائیڈن نے نیتن یاہو کو گالیاں دیں، امریکی صحافی کا کتاب میں انکشاف 

واشنگٹن (نوائے وقت رپورٹ) امریکی صحافی باب ووڈورڈ نے اپنی نئی کتاب میں انکشاف کیا کہ صدر جوبائیڈن نے اسرائیلی فوجیوں کے رفح میں داخل ہونے پر طیش میں آکر نیتن یاہو کو بدکار جھوٹا قرار دیا تھا۔ غیر ملکی چینل کے مطابق امریکی صحافی باب ووڈورڈ کی نئی کتاب ’’جنگ‘‘ کے اقتباس میں لکھا ہے کہ 2024ء کے موسم بہار کے دوران امریکی صدر اور اسرائیلی وزیراعظم کے درمیان تعلقات تیزی سے کشیدہ ہوتے چلے گئے تھے۔ کتاب میں لکھا ہے کہ اسرائیلی فوجیوں کے رفح میں داخل ہونے پر امریکی صدر جو بائیڈن نے وزیر اعظم بنجمن نیتن یاہو کو ایک ‘‘بدکردار جھوٹا’’ قرار دیا تھا جب کہ فضائی حملے میں حزب اللہ کے اعلیٰ کمانڈر کی ہلاکت پر نیتن یاہو پر برہم ہوئے تھے۔ امریکی صحافی کے بقول صدر جوبائیڈن  اسرائیلی وزیراعظم کو آپریشن کے لیے ‘کوئی حکمت عملی’ نہ ہونے پر طیش میں آگئے اور کہا کہ اسی لیے اسرائیل کو دنیا بھر میں ایک ‘بدمعاش ریاست’ سمجھا جاتا ہے۔