لاہور‘ قصور‘اوکاڑہ‘ فیصل آباد‘ میانوالی (سٹاف رپورٹر+ نمائندہ نوائے وقت+نامہ نگار+ نمائندہ خصوصی)اجتماعی زیادتی کا شکار متاثرہ لڑکی نے بتایا سہیلی نے نوکری کا جھانسہ دیکر مجھے ملتان سے لیہ اپنے گھر بلوایا جہاں 4 سے5 افراد نے میرے ساتھ اجتماعی زیادتی کی‘تشدد کیا۔ترجمان سیف سٹیز کے مطابق ورچوئل ویمن پولیس سٹیشن پر کال موصول ہوتے ہی ملزم گرفتار کرکے کارروائی کا آغاز کر دیا گیاہے۔ اوکاڑہ کے علاقے پروبن آباد میں11 سالہ ذہنی معذور بچی کی گمشدگی کا مقدمہ لواحقین نے مقامی تھانہ میں مقدمہ درج کرا یا۔ گزشتہ روز بچی کی نعش فصل مکئی سے ملی۔ خدشہ ہے کہ نامعلوم ملزم نے اسے جنسی زیادتی کے بعد قتل کیا۔ ڈی پی او اوکاڑہ محمد راشد ہدایت نے وقوعہ کے اصل محرکات سامنے لانے کیلئے پانچ ٹیمیں تشکیل دیدی ہیں جبکہ 5 مشکوک افراد کو گرفتار کر لیا گیا ہے۔ قصور کے نواح ہتھوڑا ں والا میں اوباش نے شادی شدہ خاتون کے ساتھ زبردستی جنسی زیادتی کر ڈالی جبکہ اس دوران ملزم کا ساتھی پہرے پر مامور رہا۔ تھانہ کنگن پور میں متاثرہ خاتون (ش) کے شوہر کی مدعیت میںزنا بالجبر کا مقدمہ درج کرلیا گیا ہے۔ فیصل آباد صابر کالونی کی (س) گھر میں اکیلی تھی کہ اوباش نے زبردستی زیادتی کا نشانہ بنا ڈالا۔ میانوالی میں محلہ یارو خیل کے 13 سالہ لڑکے سے 3 اوباشوں کی زیادتی کا مقدمہ تھانہ سٹی پولیس نے اڑھائی ماہ بعدبچے کے والد کامران کی درخواست پر درج کرکے ایک ملزم گرفتار کر لیا گیا ہے۔