اسلام آباد (نوائے وقت رپورٹ) وزیر پٹرولیم مصدق ملک نے کہا ہے کہ پاکستان آگے بڑھ رہا ہے۔ معیشت مستحکم ہو رہی ہے۔ انویسٹمنٹ منسٹر ایک بڑا وفد لے کر آرہے ہیں۔ شنگھائی تعاؤن تنظیم کی کانفرنس شروع ہوگی۔ وسطی ایشیاء سے ایک کاروباری وفد آرہا ہے۔ ہماری ترقی کی شرح، فیچ ریٹنگ اور ریزروز سب مثبت جانب گامزن ہیں۔ سعودی پرائیویٹ سیکٹر کا اتنا بڑا وفد پہلے کبھی نہیں آیا۔ سعودی وفد میں 50 سے زیادہ کمپنیاں، 80 سے زیادہ بزنس مین ہیں۔ وفد کی  مکمل سہولت کاری کی جا رہی ہے۔ سعودی وزراء اس انویسٹمنٹ کا فریم ورک آپ کے سامنے رکھیں گے۔ پاکستان اور سعودی عرب 2030ء وژن پر ساتھ کام کر رہے ہیں۔