بڑاگھر : 4 ماہ بعد ڈکیتی قتل کے  ملزموں کو پولیس نے گرفتار کر لیا

بڑاگھر (نامہ نگا ر) 4 ماہ قبل ڈاکوئوں کی فائرنگ سے شہری کے قتل کے ملزموں کو پولیس نے گرفتار کر لیا۔ڈی ایس پی بڑاگھر سرکل محمد آفتاب نے دفتر میں پریس کانفرنس کے دوران بتایا کہ 20 جون کو ڈاکوئوں نے شیخوپورہ کے رہائشی موٹر سائیکل سوار نور احمد کو نواحی گائوں خانپور سے واپس جاتے ہوئے نہ رکنے پر فائرنگ کر کے قتل کر دیا تھا۔ ایس ایچ او تھانہ بڑاگھر فیروز بھٹی ایس آئی نے ملزم اسامہ ،نبیل ،احسان مختار‘ سبطین کو گرفتار کر لیا ۔ ملزموں سے ناجائز اسلحہ اور نقدی بھی برآمد کت لی گئی ۔