سانگلہ ہل:رقم کی عدم ادائیگی پرشوگر مل  کا ریجنل ڈائریکٹر ‘ فنانس منیجر گرفتار

سانگلہ ہل(نمائندہ نوائے وقت)وزیر اعلی پنجاب مریم نواز کی ہدایت پر گنے کے متاثرہ کاشتکاروں کی رقوم کی ادائیگی کیلئے ضلعی انتظامیہ نے کارروائی شروع کر دی، اسسٹنٹ کمشنر ظہیر الدین بابرنے مقامی شوگر مل کے ریجنل ڈائریکٹر عظیم حفیظ اور فنانس منیجر مسعود اعوان کو گرفتار کر لیا۔ ضلعی انتظامیہ کی جانب سے شوگر مل کو کاشتکاروں کی گنے کی رقم کی ادائیگی کیلئے ذاتی حیثیت میں پیش ہونے کیلئے 20 بار نوٹس وصول کرائے گئے،شوگر مل انتظامیہ کی جانب سے نہ ہی کاشتکاروں کو ادائیگی کی گئی اور نہ ہی کوئی جواب جمع کروایا گیا۔