لاہور (سپورٹس رپورٹر) پریذیڈنٹ ون ڈے کپ میں دفاعی چیمپئن ایس این جی پی ایل‘ ایشال ایسوسی ایٹس اور سٹیٹ بینک نے کامیابی حاصل کرلی۔لاہور میں ایس این جی پی ایل نے پی ٹی وی کو 93 رنز سے ہرادیا۔ایس این جی پی ایل نے 45 میں 9  وکٹوں پر 249 رنز بنائے۔حسیب اللہ نے54  رنزبنائے۔ محمد حسنین نے تین وکٹیں حاصل کیں۔پی ٹی وی کی ٹیم 35.5 اوورز میں 9 وکٹوں پر 156 رنز بناسکی۔صاحبزادہ فرحان نے 58 رنز بنائے۔قاسم اکرم نے 3 کھلاڑیوں کو آؤٹ کیا۔ فیصل آباد  میں ایشال ایسوسی ایٹس نے غنی گلاس کو 5 وکٹوں سے ہرادیا۔غنی گلاس کی ٹیم178 رنز بناکر آؤٹ ہوگئی۔محسن ریاض 51 رنز بناکر ٹاپ سکورر رہے۔عثمان طارق نے تین وکٹیں حاصل کیں۔ ایشال ایسوسی ایٹس نے ہدف 34 ویں اوور میں پانچ وکٹوں پر پورا کرلیا۔سجاد ابراہیم نے61  رنزبنائے۔ رمیز جونیئر نے تین وکٹیں حاصل کیں۔ ایبٹ آباد میں سٹیٹ بینک نے کے آر ایل کو 2 وکٹوں سے ہرادیا۔بارش کے سبب یہ میچ 42 اوورز کا کردیا گیاتھا۔کے آر ایل نے 9 وکٹوں پر 275 رنز بنائے۔ معاذ صداقت نے 114 رنز بنائے۔ عامربرکی نے 82 رنز کی اننگز کھیلی۔ کاشف بھٹی نے تین وکٹیں حاصل کیں۔سٹیٹ بینک نے آخری اوور میں جیت کیلئے درکار 12 رنز بناکر کامیابی حاصل کرلی۔ کاشف بھٹی نے 24گیندوں پر49  رنز بنائے۔ محمد فیضان نے 63 رنز بنائے۔