انٹر ڈیپارٹمنٹل نیشنل کراٹے چیمپئن شپ آرمی نے جیت لی

لاہور(سپورٹس رپورٹر)انٹر ڈیپارٹمنٹل نیشنل کراٹے چیمپئن شپ  لاہور کے نشتر پارک سپورٹس کمپلیکس کے انڈور جمنازیم میں اختتام پزیر ہو گئی۔آرمی نے مینز اینڈ ویمنز ایونٹس میں کامیابی حاصل کی مینز ایونٹ میں 10 کیٹیگریز میں مقابلے ہوئے۔آرمی نے 8 گولڈ اور 2 برونز میڈلز کے ساتھ چیمپئن شپ جیتی، واپڈا نے ایک گولڈ 5 سلور اور 2 برونز میڈلز کے ساتھ دوسری اور ایچ ای سی نے ایک گولڈ، ایک سلور اور 6 برونز میڈل کیساتھ تیسری پوزیشن حاصل کی۔ویمنز ایونٹ میں9 کیٹیگریز کے مقابلے ہو ئے آرمی نے 8 گولڈ اور ایک سلور میڈل جیتا جبکہ واپڈا نے ایک گولڈ 3 سلور اور 5 برونز جیت کر دوسری پوزیشن حاصل کی۔ایچ ای سی نے تیسری پوزیشن 4 سلور اور 5 برونز میڈلز کیساتھ حاصل کی۔66 ویں قومی مینز ویٹ لفٹنگ چیمپئن شپ آرمی نے جیت لی، واپڈا اور ایچ ای سی کے ویٹ لفٹرز نے نئے قومی ریکارڈ بھی قائم کیے۔آرمی نے 98 پوائنٹس کے ساتھ پہلی پوزیشن حاصل کی جبکہ واپڈا نے 89 پوائنٹس کیساتھ دوسری اور پنجاب نے 74 پوائنٹس کیساتھ تیسری پوزیشن حاصل کی۔ واپڈا کے فرقان انور اور ایچ ای سی کے محمد یوسف نے نئے قومی ریکارڈ قائم کیے۔منتظمین کا کہنا تھا کہ نیا ٹیلنٹ سامنے آیا ہے۔کل خواتین میں لفٹرز کے مقابلے ہونگے۔