فیروز والہ :ڈاکوؤں نے 2 زمینداروں کو 2 کروڑ مالیت کے سامان سے محروم کردیا 

 فیروزوالہ( نامہ نگار ) تھانہ صدر کے گاؤں مدار سے ملحقہ ڈیرہ ڈاکٹر لیاقت میں خودکار ہتھیاروں سے ڈاکوؤں نے دو زمینداروں حاکم علی اور حیدر علی کے گھر سے تقریباً 2 کروڑ روپے مالیت کا سامان لوٹ کر فرار ہوگئے ‘ 30 تولے طلائی زیورات 20 لاکھ روپے کیش 8 قیمتی موبائل فون اور ایک لائسنس یافتہ رپیٹر گن بھی شامل ہے۔ ڈاکوؤں نے ٹراؤزر اور شرٹیں پہنی ہوئی تھیں جو پہلے حاکم علی کے گھر میں دیوار پھلانگ کر داخل ہوئے اور پھر حیدر علی کے گھر میں داخل ہو کر دونوں گھروں کے افراد کو گن پوائنٹ پر اٹھا کر ایک کمرے میں بند کر دیا۔ ڈاکو دو گھنٹے تک دونوں گھروں کی تلاشی لیتے رہے۔ صدر پولیس نے واردات کا مقدمہ درج کر کے ڈاکوؤں کی تلاش شروع کر دی ۔