گوجرانوالہ انڈسٹری میں بڑا پوٹنشیل، مصنوعات دنیا میں الگ پہچان رکھتی ہیں: خالد رسول  

گوجرانوالہ(نمائندہ خصوصی )ڈائریکٹر جنرل ٹیڈیپ پنجاب خالد رسول نے کہا کہ گوجرانوالہ کی انڈسٹری میں بڑا پوٹنشل ہے یہاں کی مصنوعات اپنی بہترین کوالٹی کے اعتبار سے دنیا میں الگ پہچان رکھتی ہیں ضرورت اس امر کی ہے گوجرانوالہ کی مصنوعات کو مزید بہترانداز میں تشہیر کی جائے۔ گوجرانوالہ چیمبر کے اراکین اس حوالے سے ٹیڈیپ سے بھرپور استفادہ حاصل کر سکتے ہیں۔انہوں مزید بتایا کہ فروری 2025میں سعودی عریبہ میں سنگل کنٹری ایکسپو ہونے جارہی ہے۔ گوجرانوالہ کی مصنوعات کو سعودی عرب متعارف کروانے کیلئے یہ بہترین موقع ہے۔میری خواہش ہوگی کہ گوجرانوالہ کی انڈسٹری اس سنگل کنٹری ایکسپو میں بھرپور حصہ لے اور اپنے سٹال لگا کر سعودی عرب سے تجارت کو فروغ دیں۔ہم گوجرانوالہ کی بزنس کمیونٹی کو فائدہ دینا چاہتے ہیں میری خواہش ہے کہ گوجرانوالہ کی بزنس کمیونٹی ٹیڈیپ سے استفادہ حاصل کرے ان خیالات کا اظہار انہوں نے گوجرانوالہ چیمبر کے اراکین سے خطاب کے دوران کیا ۔