دبئی انٹرنیشنل کرکٹ سٹیڈیم میں کھیلا جانیوالا یہ میچ پاکستانی وقت کے مطابق رات نو بجے شروع ہوگا۔ تین ٹی ٹوئنٹی میچوں کی سیریز پاکستان نے پہلے ہی دو صفر سے اپنے نام کررکھی ہے۔ ادھر قومی کرکٹ ٹیم کے کوچ ڈیو واٹمور کا کہنا ہے کہ وہ گرین شرٹس کی ٹی ٹوئنٹی میچوں میں کارکردگی سے بہت خوش ہیں، اور ٹیم نے دونوں میچ جیت کر بھرپور اعتماد کا مظاہرہ کیا۔ پاکستانی ٹیم نے ابتک چند ہی سپراوورز کھیلے ہیں اس لئے دوسرے میچ میں سپراوور میں کھیلنا بھی ایک خوشگوار تجربہ تھا۔
سیریز کا آخری میچ دلچسپ ہوگا اور پاکستان سیریز میں سویپ کرنے کی کوشش کرے گا۔ پریکٹس کے دوران زخمی ہونے والے شاہدآفریدی کو احتیاطی طور پر تیسرے ٹی ٹوئنٹی میں بھی شامل نہیں کیا جائے گا۔ سعید اجمل کندھے کی تکلیف سے صحتیاب ہورہے ہیں اور امید ہے کہ وہ یہ میچ ضرور کھیلیں گے۔
