نیلم میں چوٹی سر کرنے کے دوران لاپتہ 3 کوہ پیماﺅں کا سراغ نہ مل سکا، ریسکیو ٹیم تلاش کیلئے آج سے مشن کا آغاز کرےگی

اسلام آباد (آئی این پی) وادی نیلم کے قریب چوٹی سر کرنے کے دوران لاپتہ ہونے والے 3 کوہ پیماﺅں کا ابھی تک سراغ نہیں مل سکا۔ ریسکیو ٹیم کوہ پیماﺅں کی تلاش کیلئے 10 ستمبر سے مشن کا آغاز کرے گی۔ تفصیلات کے مطابق 30 اگست کو 3 کوہ پیما عمران ‘ عثمان ا ور خرم چوٹی سر کرنے کے دوران لاپتہ ہو گئے تھے جن کا ا بھی تک کوئی سراغ نہیں مل سکا۔ جن کی تلاش کیلئے فلائنگ کلب آف پاکستان کی معاونت سے 6 رکنی ٹیم نیلم ویلی پہنچ گئی ہے۔ ریسکیو ٹیم کوہ پیماﺅں کی تلاش کیلئے 10 ستمبر سے اپنے مشن کا آغاز کرے گی۔ فلائنگ کلب کے مطابق تینوں کوہ پیماﺅں سے آخری رابطہ 5 ہزار فٹ کی بلندی پر ہوا تھا۔