محرم الحرام کا چاند دیکھنے کیلئے مرکزی رویت ہلال کمیٹی کا اجلاس آج کراچی میں ہوگا

اسلام آباد (اے پی پی)محرم الحرام 1440 ہجری کا چاند دیکھنے کیلئے مرکزی رویت ہلال کمیٹی کا اجلاس (آج) پیر 29 ذوالحج کو کراچی میں ہو گا۔ رویت ہلال کمیٹی کے چیئرمین مفتی منیب الرحمن سندھ کی زونل کمیٹی کے اجلاس کی صدارت کریں گے جو محکمہ موسمیات کی عمارت میں ہو گا۔ مزید برآں رویت ہلال کمیٹی کے دیگر اراکین اپنی اپنی متعلقہ صوبائی اور ضلعی کمیٹیوں کے اجلاس میں شریک ہوں گے۔ وزارت مذہبی امور کے ذرائع نے کہا ہے کہ محرم کے چاند کے نظر آنے کے حوالے سے مفتی منیب الرحمن اعلان کریں گے جو ملک بھر سے موصول ہونے والی شہادتوں کی روشنی میں کیا جائے گا۔
محرم/ چاند