لاہور (نمائندگان) مختلف شہروں میں 3 خواتین سمیت 7 افراد نے گھریلو جھگڑوں، معاشی پریشانیوں اور دیگر وجوہات پر زندگی کا خاتمہ کرلیا۔ حافظ آباد کے محلہ اسلام آباد میں بیوہ خاتون عاصمہ بی بی کا اپنے بھائی سے جھگڑا ہوا جس پر اس نے زہریلی گولیاں کھالیں۔ گوجرہ میں 18 سالہ نسیم بی بی نے خود پر تیل چھڑک کر آ گ لگا لی جس کے نتیجہ میں وہ بری طرح جھلس گئی اور ہسپتال میں دم توڑ گئی۔ چنیوٹ میں 25 سالہ ناصر نے نامعلوم وجوہات کی بنا پر واش روم والا تیزاب پی لیا۔ کمالیہ کے نوید نے گھریلو حالات سے تنگ آکر زہریلی گولیاں کھا کر خود کشی کر لی۔ عارفوالا کے عبدالرحمن اور عطاء الرحمن نے گھریلو جھگڑوں سے تنگ آکر زندگی کا خاتمہ کرلیا۔ ساہیوال 25سالہ شادی شدہ لڑ کی نے زہر نگل کر زندگی ختم کرلی