اسرائیلی بلڈوزروں نے مقبوضہ مغربی کنارے میں رام اللہ شہر کے مغرب میں واقع راس کرکر گائوں میں فلسطینی کے 22 زیتون کے درخت اکھاڑ دیئے۔ غیرملکی خبررساں ادارے کے مطابق ، بلڈوزنگ کی سرگرمیاں راس ابو زیتون کے علاقے میں رونما ہوئیں تاکہ وہاں یہودی آباد کاروں کے لئے سڑک بنائی  جاسکے۔ اسرائیلی فوجیوں نے مقامی کسانوں کو ان کے سامان اور زمین تک پہنچنے سے بھی روکا اور ان میں سے کچھ کے اردگرد خاردار تاریں بھی لگا دی گئیں ۔