تیزہوائوں اور گرج چمک کیساتھ بارش جبکہ چندمقامات پر موسلادھار بارش کا امکان

اسلام آباد(نیوزرپورٹر)وفاقی دارالحکومت اسلام آباد سمیت ملک کے بالائی علاقوں میں تیزہواوں اور گرج چمک کیساتھ بارش جبکہ چندمقامات پر موسلادھار بارش کا امکان ہے۔ محکمہ موسمیات کے مطابق آج جمعہ کو اسلام آباد، پنجاب، خیبر پختو نخوا ، گلگت بلتستان ،کشمیر، مشرقی بلوچستان اورسندھ میں تیزہواوں اور گرج چمک کیساتھ بارش  کا امکان ہے، اس دوران چندمقامات پر موسلادھار بارش کی بھی توقع ہے۔ گذشتہ 24 گھنٹے کے دوران پنجاب ، سندھ ، خیبر پختونخوا، شمال مشرقی بلوچستان اور کشمیر میں گرج چمک کے ساتھ بارش ہوئی۔ ملک کے دیگر علاقوں میں موسم گرم اور مرطوب رہا۔