بہاولپور (خبر نگار) ستلج فٹبال کلب کے زیر اہتمام ایشیا گھی ملز کے تعاون سے نشان حیدر ڈسٹرکٹ فٹبال ٹورنامنٹ کا گلزار صادق میں آغاز ہوگیا ۔ٹورنامنٹ کا افتتاح ایشیا گھی ملز کے ڈائریکٹر چوہدری سعد مسعود نے کیا ۔ ٹورنامنٹ میں ضلع بھر سے فٹبال کی ٹیمیں شرکت کررہی ہیں۔ ٹورنامنٹ کا افتتاحی میچ پرنس کلب یزمان اور سائوتھ پنجاب کلب بہاولپور کے مابین کھیلا گیا۔ اس میچ کے مہمانان اعزاز طاہر چشتی اور ملک فراز تھے ۔ یہ میچ پرنس فٹبال کلب یزمان نے صفر کے مقابلے میں ایک گول سے جیت لیا۔