راولپنڈی(اپنے سٹاف رپورٹر سے)آئی جی پنجاب رائو سردار علی خان اپنا منصب سنبھالنے کے بعد پہلے دورے پرجمعرات کو پولیس لائن ہیڈ کوارٹر راولپنڈی پہنچے آر پی او راولپنڈی عمران احمر  ،سی پی او محمد احسن یونس ،ایس ایس پی آپریشنز رائے مظہر اقبال، ایس ایس پی انویسٹی گیشن سید غضنفر علی شاہ ، ایس پی ہیڈ کوارٹرزونیر اظفر نے آئی جی پنجاب کا استقبال کیا انسپکٹر عمران عباس شہید کے بچوں نے یادگار شہداء پر آئی جی پنجاب کو گلدستے پیش کئے آئی جی پنجاب بچوں سے شفقت سے ملے اور بات چیت کی اور کہا کہ شہید انسپکٹر عمران عباس کے بچوں کا جذبہ قابل رشک ہے شہریوں کی جان و مال کی حفاظت کرتے ہوئے اپنی جانیں قربان کرنے والے شہداء ہمارا فخر ہیں آئی جی پنجاب نے یادگار شہداء پر پھول چڑھائے اور شہداء کے درجات کی بلندی کے لئے دعا کی آئی جی پنجاب نے شہداء گیلری کا دورہ کیا اور اپنے تاثرات قلمبند کئے پولیس کے چاق و چوبند دستے نے آئی جی پنجاب کو سلامی پیش کی آئی جی پنجاب رائو سردار علی خان نے شہید کانسٹیبل شاہد رحمان سکول آف فائر آرمز ٹریننگ کا دورہ کیا اور ڈیجیٹل کنٹرولڈ ٹارگٹ پر فائرنگ پریکٹس کی۔ آئی جی پنجاب نے کلوز کوارٹر بیٹل کے مظاہرے میں خصوصی دلچسپی کا اظہار کیااورپولیس ویلفیئر مرکز کے کے دورے کے دوران اس پروجیکٹ کو سراہا آئی جی پنجاب راؤ سردار علی خان نے شہید کانسٹیبل الطاف حسین میس کا دورہ کیامیس میں فراہم کردہ سہولیات کی تعریف کی اور پولیس افسران و جوانوں سے بات چیت کی۔