لاہور(سپورٹس رپورٹر) لالک جان نشان حیدر شہید ٹینس ٹورنامنٹ اختتام پذیر ہوگیا ہے۔ٹورنامنٹ میں محمد زریاب خان نے مینز سنگل، شازیہ ساجد نے لیڈیز سنگلز اور ریحان خان جونیئر سنگلز کے ایونٹس جیت لئے۔ سینئر ڈبلز کا ٹائٹل انعام الحق اوراسد خان نے اپنے نام کیا۔ مینز سنگلز کے فائنل ایونٹ میں محمد زریاب خان نے انعام قادر کو 2-6 اور 3-6 سے ہرا دیا۔لیڈیز سنگلز کے فائنل میں شازیہ ساجد نے اریشبا مقبول کو 1-6 اور 2-6 سے ہرا دیا۔ ریحان خان نے سرمد قیوم کو 1-6 اور 2-6 سے ہرا کرجونیئر سنگلز ایونٹ جیت لیاجبکہ سینئر 40 پلس ڈبلز کے فائنل میں ڈیوس کپر انعام الحق اوراسد خان نے میجر بشیر اور حیدر علی کو 2-6 اور 3-6 سے شکست دے کر ٹائٹل اپنے نام کیا۔