فیصل آباد(نمائندہ خصوصی) جائیکا جاپان کی ٹیم نے صنعت زار سوشل ویلفیئر کا دورہ کیا اور مختلف کلاسز میں جا کرکے خواتین کو سکھائے جانے والے کورسز کا جائزہ لیا۔ڈائریکٹر سوشل ویلفیئر مزمل یار،ڈپٹی ڈائریکٹر سوشل ویلفیئر عائشہ جمیل اور مینجر زاہدہ ناز بھی موجود تھیں۔مینجر صنعت زار نے جائیکا جاپان کی ٹیم کی ارکان کو کورسز کی تفصیلات سے آگاہ کیا اور بتایا کہ زیر تربیت طالبات کو ہنر مند بنایا جارہا ہے جبکہ انہیں ماہانہ وظائف بھی دیا جاتا ہے۔انہوں نے دورہ کرنے پر جائیکا جاپان کی ٹیم کا شکریہ اداکیا۔جاپان کی ٹیم نے صنعت زار کو بہترین ادارہ قراردیا اور کہا کہ خواتین کو مختلف شعبوں میں مہارت یافتہ بنانے کے لئے کئے جانے والے اقدامات قابل ستائش ہیں۔