اسلام آباد ( نمائندہ خصوصی  ) اسلام آباد چیمبر آف کامرس اینڈ انڈسٹری فاونڈر گروپ الیکشن کمپین کے چیئرمین محمد اعجاز عباسی، فاؤنڈر گروپ کے نامزد صدارتی امیدوار احسن بختاوری ،سابق صدر ظفر بختاوری ،سابق سنیٹر نائب صدور خالد چوہدری در محمود وڈائچ نے ایسوسی ایٹ کلاس کے امیدواروں کے اشفاق چٹھہ،رضوان چھینہ، عرفان ظفر، مقصود تالش اور فیضان شہزاد کے ہمراہ معروف تاجر ملک ذیشان اور ٹریڈ ریونین ای الیون کے صدر ظاہر عباسی کی دعوت پر ای الیون مارکیٹ کا دورہ کیا اور کارنر میٹنگ میں شمولیت کی۔ فاونڈر گروپ کے نامز د صدارتی امیدوار احسن بختاوری نے اس موقع پر اپنے خیالات کا اظہار کرتے ہوئے کہا کہ ای الیون سیکٹر گونا گوں مسائل سے دو چار ہے ۔ اس علاقے کا سب سے بڑا مسئلہ پبلک ٹرانسپورٹ ہے۔
 میری ضلعی انتظامیہ سے اپیل ھے کہ وہ ای الیون سے پمز ھسپتال تک ویگن روٹ کا اجراء کریںفاونڈر گروپ الیکشن کمپین کے چیئرمین محمد اعجاز عباسی نے اس موقع پر اپنے خیالات کا اظہار کرتے ہوئے کہا کہ آئی سی سی آئی کے عہدیداران مختلف مارکیٹوں کے ترقیاتی کاموں سمیت کام کراتے رہتے ہیں۔ انشاء اللہ کامیابی کے بعد اس میں مزید بہتری لائی جائے گی اور کام ترجیحی بنیادوں پر کرائے جائیں گے۔