اسلام آباد(نا مہ نگار)وفاقی وزیرصحت اور راہنما پیپلزپارٹی عبدالقادر پٹیل نے کہا کہ شاہ محمود اورشیخ رشید کی حالت عمران خان کے پائوں کے گھنگھرو کی رہ گئی ہے،وفاقی وزیرصحت اور راہنما پیپلزپارٹی عبدالقادر پٹیل نے اپنے بیان میں کہا کہ شاہ محمود اورشیخ رشید کی حالت عمران خان کے پائوں کے گھنگھرو کی رہ گئی، چیئرمین پیپلزپارٹی بلاول بھٹو زرداری نے تباہ حال خارجہ امور کو نئی زندگی دی ہے ،قادر پٹیل نے کہا کہ عمران خان اقتدار میں ہوتے تو بنی گالا کے پہاڑ پر چھپ کر کہتا میں کیا کروں ،آج عالمی دنیا وزیر خارجہ بلاول بھٹو زرداری کی بات سنتی ہے اوران پر اعتبار کرتی ہے ، وزیر خارجہ بلاول بھٹو زرداری کی بڑی کامیابی دنیا بھر کے سفیروں کو بارش اور سیلاب زدہ علاقوں میں لے جانا ہے،چیئرمین پیپلزپارٹی کی ساری توجہ بارش اور سیلاب متاثرین کی دوبارہ بحالی ہے۔