اسلام آباد :پی ٹی آئی  کارکنان اورعوام آج 36 مقامات پرجمع ہوں گے اور سابق وزیراعظم عمران خان سے یکجہتی کا اظہار کریں گے۔ تحریک انصاف کی حقیقی آزادی کی تحریک کا اہم ترین اور فیز ون کا آخری  اجتماع آج گوجرانوالہ میں ہوگا ، مرکزی سیکرٹری جنرل پی ٹی آئی اسد عمر نے 36 بڑے شہروں کی فہرست جاری کردی۔پاکستان تحریک انصاف کے کارکنان اورعوام آج 36 مقامات پرجمع ہوں گے، جس میں راولپنڈی مری روڈ،اسلام آباد ایف نائن پارک اور پشاور میں حشت نگری چوک ، صوابی چوک، مردان پریس کلب، نوشہرہ میں شوبراچوک اورخیبرمیں خیبر چوک باڑہ شامل ہیں۔تمام شہروں کے مقررکردہ مقامات پر بڑی اسکرینیں نصب کی جائیں گی جن پرعمران خان کا خطاب براہِ راست دکھایا جائے گا چیئرمین عمران خان سہ پہر 4 بجے گوجرانوالہ بارسے خصوصی خطاب کے بعد جناح اسٹیڈیم پہنچیں گے، جہاں عمران خان جلسہ عام سے خطاب کریں گے۔